शिक्षक - समाजाचा आधारस्तंभ

ज्ञानाचा हा लख्ख प्रकाश ,

सोन्या हून हि पिवळा हा प्रकाश ;

उजळुनी काढत आहे तो ,

समाजातील विस्तृत घटकांचा आभाव .

कोण आहे तो ? ज्याने घेतला आहे हा ध्यास ;

हाच तो , समाजाचा आधारस्तंभ शिक्षक !!१!!

गुंतत चालला आहे समाज ,

अर्थव्यवस्थेच्या या खोल डोहात ;

तो करीत आहे प्रयास ,

काढण्यास गाळातून बाहेर हा समाज .

कोण आहे तो ? जो करीत आहे हा प्रयास ;

हाच तो , समाजाचा आधारस्तंभ शिक्षक !!२!!

दुःख असो वा सुख ,

चेहरा तुझा हा सदा हसरा ;

न दिसे तुझ्या चेहऱ्यावरती कामाचा तनाव ,

न दिसे तुझ्या चेहऱ्यावरती कधी हि निराशा ;

तुला तर पहायचे आहे फक्त ,

विद्यार्थ्यांच्या चेहऱ्यावरती समाधानाचा भाव .

कोण आहे तो ? ज्याने ठरवलं आहे हे मनाशी ठाम ;

हाच तो समाजाचा आधारस्तंभ शिक्षक !!३!!

मूर्तीकार जसा निर्जीव शिळेला ,

आकार देऊन मूर्ती बनवतो ;

तसं शिक्षक सजीव जीवाला ,

ज्ञानरूपी आकार देऊन ,

ज्ञानप्रविष्ठ बनवतो .

कोण आहे तो ? जो विद्यार्थ्यांना बनवत आहे ज्ञानप्रविष्ठ ,

हाच तो , समाजाचा आधारस्तंभ शिक्षक !!४!!

विद्यार्थ्यांना या ज्ञानाच्या गंगेत नेवून ,

विद्यार्थ्याला या समाजात ताठमानेने ;

जगण्याची इर्षा देणारा ,

विद्यार्थ्यांच्या यशामध्ये स्वतःचे यश बघणारा ;

परंतु स्वतःच्या कर्तृत्वाचे जराही बिरुद न मिरवणारा .

कोण आहे तो ? ज्याला नाही कोणत्याही इर्षेची हाव ;

हाच तो , समाजाचा आधारस्तंभ शिक्षक !!५!!

शिखरावरती चमकणाऱ्या तेजस्वी दीपाला ,

स्वतःच्या पाठीचा कणा सरळ होई पर्यंत ;

मार्गदर्शनाची रास लावणारा ,

विद्यार्थ्यांच्या सुखात अन दुःखात ;

विद्यार्थ्यांला येणाऱ्या अडीअडचनीच्या काळात ,

विद्यार्थ्यांची सावली बनून उभा राहणारा ;

परंतु स्वतः कधीही प्रकाश झोतात न येणारा .

कोण आहे तो ? जो सज्ज आहे करण्यास असे अविष्कार ;

हाच तो , समाजाचा आधारस्तंभ शिक्षक !!६!!

     

                                     - रोहन जयवंत घाडगे